Праграма Саюзнай Дзяржавы "СКIФ"

Магчымасць практычнага скарыстоўвання суперкамп'ютэрных тэхналогій у Рэспубліцы Беларусь шмат у чым вызначаецца вынікамі выканання праграмы Саюзнай дзяржавы «Распрацоўка і асваенне ў серыйнай вытворчасці сямейства высокапрадукцыйных вылічальных сістэм з паралельнай архітэктурай (суперкамп'ютэраў) і стварэнне прыкладных праграмна-апаратных комплексаў на іх аснове» (шыфр «СКIФ»), якая завяршылася ў 2004 г.

Найважны вынік выканання праграмы «СКІФ» – выпуск узораў кластарных канфігурацый прадукцыйнасцю ў дыяпазоне ад дзесяткаў мільярдаў да некалькіх трыльёнаў аперацый у секунду, якія выкарыстоўваліся як для адпрацоўкі праграмнага забяспячэння, так і для рэальных вылічэнняў у інтарэсах прадпрыемстваў і ўстаноў Расіі і Беларусі.

У працэсе рэалізацыі праграмы «СКІФ» разпрацаваны сістэмнае праграмнае забяспечэнне і моўныя сродкі для мадэлей суперкамп'ютэраў «СКІФ», праведзены мерапрыемствы па падрыхтоўцы і перападрыхтоўцы кадраў для скарыстоўвання новых інфармацыйных тэхналогій на базе суперкамп'ютэраў, разпрацаван шэраг пілотных прыкладных праграмна-апаратных комплексаў з скарыстоўваннем суперкамп'ютэрных тэхналогій:

• апаратна-праграмны кардыялагічны комплекс на аснове вылічальных модуляў «СКІФ» для доследу мікрацыркулятарнага звяна сардэчна-сасудавай сістэмы метадам біямікраскапіі;
• праграмна-апаратны комплекс для лікавага мадэлявання працэсаў у задачах радыяцыйнай газадынамікі;
• эксперыментальная вылічальная сістэма на базе спецыялізаваных вылічальных модуляў аднастайнага вылічальнага асяроддзя (АВА ) з паралельнай архітэктурай для апрацоўкі і распазнавання рукапісных знакаў;
• макет эксперыментальнай сістэмы для апрацоўкі радыялакацыйных сігналаў, распазнавання аб'ектаў і мадэлявання шырокапалосных радыелакацыйных сігналаў з скарыстоўваннем вылічальных модуляў АВА;
• эксперыментальны праграмна-інфармацыйны комплекс аператыўнага прагнозу вятровага пераносу забруджванняў пры надзвычайных сітуацыях;
• макет сістэмы аператыўнай ідэнтыфікацыі асобы па акустыка-фанетычным прыкметам на аснове адвольнага фрагмента прамовы.

У рамках праграмы «СКІФ» створана таксама развітая інфармацыйная тэлекамунікацыйная інфраструктура, якая прадстаўляе патэнцыйным спажыўцам доступ да суперкамп'ютэрных рэсурсаў, і забяспечана канектыўнасць беларуска-расійскіх удзельнікаў праграмы «СКІФ» праз пан'еўрапейскую навуковую сетку GEANT.

Найважным практычным укараненнем вынікаў рэалізацыі праграмы «СКІФ» з'яўляецца стварэнне ў АІПІ НАН Беларусі «Рэспубліканскага суперкамп'ютэрнага цэнтра калектыўнага карыстання (РСКЦ КК)» з магчымасцю падаленага доступу да яго вылічальных рэсурсаў.